வியாழன், 20 மார்ச், 2014

கோட்டை விட்ட கதைகள்

தூரத்தில் உன்னை
கண்டவுடன் பாய்ந்து
பேச துடிக்கும்
என் மனது

அன்னியமாய் பதுங்குகிறதே
அமைதியாய், அருகில்
உனை கண்டவுடன்

முட்டாள் மனது
மறந்தது போலும்
தான் பாயாமல்
பதுங்கி கோட்டை
விட்ட கதைகளை

சனி, 15 மார்ச், 2014

சொக்கத் தங்கம் !

தந்தையின் அன்பு
தாயின் உடலில்
சேமிப்பாய் சேர்ந்து

சொர்கக் கருவில்
     வட்டியின் குட்டியாய்

வேகமாய் வளர்ந்த
சொக்கத் தங்கத்தின்
சொச்சம் நாம் 






திங்கள், 10 மார்ச், 2014

கோல்டன் கேட்

தெரியாமலா உனக்கு
"கோல்டன் கேட்"டென
பெயர் சூட்டினார்கள்
இல்லை.. இருக்காது
நிச்சயமாக இருக்காது ...

ஓல்ட் இஸ் கோல்ட்
என்ற பழமொழியை
பறைசாற்றி  நிற்கும்
புதுமொழி நீ

எத்துனை முறை
காண விழைந்தாலும்
அத்துனை முறையும்
தங்க நினைவுகளை
வார்ப்பது  நீ

கலர்க்  கனவுகளோடு
தினம் களமிறங்கும்
ஆயிரம் மாயிரம்
சிறகடிக்கும் மனங்களை
சிவப்பு கம்பளத்தில்
வரவேற்பது  நீ


இறைவன்
செம்மையாய் செதுக்கிய
சிற்பமோ நீ ?
திண்மையாய் தீட்டிய
ஓவியமோ நீ ?
காண்பவர் எவரையும்
அசராமல் கவரும்
மாயையோ நீ ?




   

வெள்ளி, 7 மார்ச், 2014

பெண்மை

தாயாய் தாரமாய்
தினம் மகிழ்விக்கும்
தங்கக் குழந்தையாய்

தோழியாய் காதலியாய்
துன்பத்தில் துவழும்போது
தோள்சாயும் தோகையாய்

குறும்பான குழந்தையாய்
வீரமான வஞ்சியாய்
கோபம்கொண்ட குமரியாய்
பேதைப் பெண்ணாய்
அன்பான அன்னையாய்
அரவணைக்கும் அத்தையாய்
பழங்கதை பேசி
பண்பாளராக்கும்  பாட்டியாய்
திக்கெங்கும் நிறைந்திருந்தும்
திகட்டாத பெண்மைக்கு
மகளிர் தின நல்வாழ்த்துக்கள் !





ஞாயிறு, 2 மார்ச், 2014

வாழ்க்கை

கணிக்க முடியா ஓர்
கணிதம்
விவரிக்க முடியா ஓர்
விஞ்ஞானம்
விடையறிய முடியா ஓர்
விடுகதை

அது பங்குச்சந்தை அல்ல
நேற்றைய நிலவரப்படி
இந்நொடியை கணிப்பதற்கு

அது சதுரங்கமும் அல்ல
நடக்கப்போவதை கணித்து
மாற்றி விளையாடுவதற்கு

நிலவரத்தால் நடுங்காமல்
கணிப்பால் கலங்காமல்
வாழ்வை வாழ்வோம் !