அனுமன் ஜெயந்தி

இராமனின் துயர்தீர்க்க

கடலைக் கடந்தாய்  

சீதையின் துயர்தீர்க்க 

கணையைக் கொடுத்தாய்

இலக்குவனின் துயர்தீர்க்க 

இமயம் சுமந்தாய்

பாண்டவர் துயர்தீர்க்க 

கொடியாய் பறந்தாய்

எந்தன் துயர்தீர்த்து

எப்பொழுதும் அருளும்  

அஞ்சனை மைந்தா அஞ்சா நெஞ்சா

வாயு புத்ரா வீர ஆஞ்சநேயா

ஜெயத்தின் உருவே ஜெயந்தி நல்வாழ்த்துக்கள் !

கிறிஸ்துமஸ்

ஆட்டுவிக்கும் இறைவனாயிருந்தும்
ஆட்டினையும் அரவணைத்து
கன்னத்தில் அறைந்தாலும்
கபடமற்ற அன்பை
கள்வருக்கும் காட்ட 
போதித்து, சிலுவையில்
அறைந்தாலும் சிலிர்த்துதெழுந்த
சின்ன குழந்தைக்கு
பிறந்தநாள் நல்வாழ்த்துக்கள் !

கண்ணா .. கருநீல வண்ணா ..

தர்மத்தை நிலைநாட்ட
கம்சனை வதைத்தாய்
நெறியை நிலைநாட்ட
கீதையைப் படைத்தாய்

அன்பை வெளிக்காட்டி
கோபியரைக் கவர்ந்தாய்
நற்பண்பை வெளிக்காட்டி
ராதையை மணந்தாய்

சேலை மாலையால்
திரௌபதியைக் காத்தாய்
மலர் மாலையால்
கோதையை ஈர்த்தாய்

குசேலன் குறைதீர்க்க
அவலைப் புசித்தாய்
பாண்டவர் குறைதீர்க்க
போர்க்களம் புகுந்தாய்

மார்கழித் திங்களில்
மகிழ்ந்தே படைத்தேன்
நீயருளிய பாமாலையை
உந்தன் பூமாலையாக !

இசை

நடுநிசியில் கொள்ளை போவது  

நம் பொருள் மட்டுமல்ல 

இசையில், நம் இதயமும்தான் ..

முத்தமிழ் சுடர் !

சுடராய் உதித்தவன், முத்தமிழின் முதல்வனவன்
நீல வானில் நீக்கமற நிறைத்தவன்
நெய்தலில் வினையறுத்து, குறிஞ்சியில் அமர்ந்தவன்
காற்றின் வேகத்தில் கஷ்டங்களைக் களைபவன்
வற்றாமல் அருளும் சுனையவன், துணையவன் .

மறதி

இன்றே சேமிக்கிறோம்

நாளைய வீட்டிற்கு

இன்றே வருந்துகிறோம்

நாளைய வாழ்வுக்கு

இன்றே கணக்கிடுகிறோம்

நாளைய வரவிற்கு

இன்றே முடிவெடுக்கிறோம்

நாளைய பிரச்சனைக்கு

கண்ணிமைக்கும் நேரத்தில்

காட்சிகள் மாறும்

என்பதை மறந்து ...