முடியா மனப் போர்

முடியாத போரில்
முட்டிக் கொள்கின்றன
உனை காணச் சொல்லி
என் கண்களும்
கடந்து போகச் சொல்லி
என் மனதும்

தற்காலிகமாய்
வெற்றி பெற்றன
சில நேரங்களில்
கண்களும்
சில நேரங்களில்
மனதும்

பல நேரங்களில்
கண்களின் வெற்றி
கணத்தில் கரைந்தது
பெண்ணே உனக்கு
பக்கத்தில் ஏற்கனவே
அடி வாங்கும்
வலியவனை கண்டவுடன்

புறம்போக்கு

பயிர் இல்லா 

நிலம் மட்டும் 

புறம்போக்கு அல்ல 

யாருக்கும் உதவா 

நற்  குணமில்லா 

மனித மனமும்தான் ...

துளிர் மனமே !

புயலைக் கண்டு
மரம் பதுங்குவதில்லை
தடுத்துத் தலைநிமிர்கிறது ....
இடியைக் கண்டு
பூமி நடுங்குவதில்லை
தாங்கித் தழைக்கிறது .....
அங்ஙனமே தடையைக்
கண்டு தளர்ந்து
விடாதே மனமே
தாண்டித் துளிர் !

மன அமைதி

முடியணிந்த மன்னரானாலும் வாங்க  

முடியாத மன அமைதி 

முற்றும் துறந்தவருக்கு என்றும் 

முடிவில்லாத வற்றாத ஜீவநதி !