தவணை அன்பு !

தங்கத்தைத் தவணையில் குவித்துப் பழகி 

தங்கமான பெற்றோர் வயதான பின் 

தவணையில் அன்பு செலுத்தித் தவிக்க 

விடுவது வேதனை தரும் வாடிக்கையாகிவிட்டது !

ஆசை !

சிம் இல்லாத மொபைல் கொண்டு 

எம்ஜிஆர்  பாட்டை ரசிப்பவரை கண்டவுடன் 

காசு இல்லாத வாழ்க்கைக்  கொண்டு 

கண்டமெல்லாம் ஊர் சுற்ற ஆசை !

ம(மா)க்கள் !

இம் மண்ணில் பிறந்து 

சாதிப்பதை விட்டு விட்டு 

சாதிக்காக உயிரை விடும் 

மக்கள் மக்களல்ல மாக்களே !

இன்று நன்று !

நடக்கப்  போகும் நாளையை மறந்து
நிகழ்ந்து போன நேற்றைத் துறந்து
நடக்கும் இன்றில் நினைவைச் செலுத்தினால்
நித்தம் வாழ்வில்  நன்றே நடக்கும் !