அழகுப் பூக்கள்

பூக்கள் அழகோ
பூக்கள் அழகோ
பூக்கள் போர்த்தும் பூமி அழகோ
பூமி உறையும் பிரபஞ்சம் அழகோ ?

பூக்கள் அழகோ
பூக்கள் அழகோ
பூக்கள் சொரிந்த கூந்தல் அழகோ
கூந்தல் சூடும் பெண்மை அழகோ ?

பூக்கள் அழகோ
பூக்கள் அழகோ
பூவினும் மெல்லிய மழலை அழகோ
கள்ளமில்லா மழலையின் நகை அழகோ ?

பூக்கள் அழகோ
பூக்கள் அழகோ
மனதைத் திருடும் பூக்கள் அழகோ
பிரம்மன் படைப்பில் பூக்கள் பேரழகோ ?

தேடல்

தேடினேன்
தேயாமல் தேடினேன்
தேடினேன்
ஓயாமல் தேடினேன்
தேடித் தோற்றேன்
தோற்ற பின்
கண்டு கொண்டேன்
வெளியிலல்ல என்னுள்
உறைபவன் இறைவனென்று

எழுத்துப் பிழை

பலருக்கு
தொட்டில் பழக்கமாய்த் தொடர்கிறது
சிறு வயதில் கற்ற
எழுத்துப் பிழை

பணம் வளர்க்கிறார்கள்
குணம் வளர்க மறந்து
பகை வளர்க்கிறார்கள்
நகை வளர்க மறந்து

இப்பூமியில் பிறந்தால்
இறக்க மாட்டோமென நினைக்கிறார்கள்
இருக்க  மாட்டோம் எப்பொழுதும்
என்ற நிதர்சன உண்மையறியாமல்