மழலை மொழி

பிறந்த குழந்தை 
பெற்றோரிடமிருந்து கற்று 
மட்டும் கொள்ளவில்லை, 
கற்றும் கொடுக்கிறது 

மழலை மொழியை !

சிக்கென ஓர் சித்த மருத்துவர் !!

சித்த மருத்துவர் சிக்கென்று  இருப்பதால் 

சில்லறையைச்  சிதற விட்டேன் பதிலுக்கு 

பில்லைக்  கொடுத்து பில்லியனைப்  புடுங்கி 

பித்துப்  பிடித்து பிதற்ற வைத்தார் !

தூக்கம்

நேற்று நள்ளிரவில்
தூக்கம் கலைந்தது
கலைத்ததை நிந்தித்து
தூக்கத்தைப் போற்றி
சற்று சிந்தித்தேன்
நிரந்தர தூக்கமும்
பேரானந்தம் தருமோ ?

விநாயகர் சதுர்த்தி

முக்கண்ணர் மைந்தேரே 

முழுமுதற் கடவுளே 

கஷ்டங்களைத் தீர்க்கும் 

கருணைமிகு கஜமுகா 

இஷ்டங்களைக் கொடுக்கும்

இனிமைமிகு இறைவா 

தும்பிக்கையினால்  நம்பிக்கையளிக்கும்

அழகுமிகு ஆனைமுகா  

வினைகளைத் தீர்க்கும் 

வீரமிகு விநாயகா  

பக்தர்களைக் காக்கும் 

பாசமிகு பிள்ளையாரப்பா 

உந்தன் பிறந்தநாளில் 

நல்லருள் வேண்டி 

வாழ்த்துப் பாடி   

வணங்குகிறேன் விக்னேஸ்வரா !

நகை !

நடமாடும் நகைக் கடையாய்
நகர்வலம் வந்து பழகாமல்
நல் இதழில் நகையுடன்
நகர்வலம் வந்து பழகினால்
வாழ்வில் எந்நாளும் பொன்னாளே !!

                                                  நகை   Vs   நகை   

மன அமைதி

முடியணிந்த மன்னரானாலும் வாங்க  

முடியாத மன அமைதி 

முற்றும் துறந்தவருக்கு என்றும் 

முடிவில்லாத வற்றாத ஜீவநதி !

கோடி !

கோடிகளில் தினம் புரளும் 

கேடிகளை விட தெருக் 

கோடிகளைப்  சுத்தம் செய்யும் 

துப்புரவாளர் மேல் !

நன்றி நவிலல்

                                                                                                                                          ஆடி 28, 2013

இன்று அடுத்த  அகவையில்  அடியெடுத்து வைக்கும்  எனக்கு,அதனை அகவை இருபத்தெட்டு என்றழைப்பதா இல்லை ஒன்றென்று அழைப்பதா என்பதில் சிறு  குழப்பம் ! அதற்கு முன் ...


நிற்கவே முடியாதென
நினைத்த எனக்கு
நடக்க முடியுமென
நம்பிக்கையளித்த உற்றாருக்கும்
நல்ல மருத்துவர்க்கும்
நடக்கவே வைத்த
நற்கருணை இறைவனுக்கும்
நற்றமிழில் நவில்கிறேன்
கணக்கிலடங்கா நன்றிகளை   !

மணம் !

பிறந்த பின்

கடவுள் இவரென

அடையாளம் காட்டும்  

பெற்றோரை நம்பும் நாம் 

வளர்ந்த பின் 

துணை இவரென 

அடையாளம் காட்டும்போது
அவரை நம்ப மறுப்பதேனோ ?

கால மாற்றம் !

பழமொழி 

கண்ணால் காண்பதும் பொய் 

காதால் கேட்பதும் பொய் 

தீர விசாரிப்பதே மெய் 

பழைய ஏற்பாடு 

ஏடுகளில் காண்பதும்  பொய் 

பறையில் கேட்பதும் பொய் 

தீர அக்கம் பக்கம்  விசாரிப்பதே மெய் 

புதிய ஏற்பாடு 

வெப்சைட்டில்   காண்பதும்  பொய்

போன் Adல் கேட்பதும் பொய் 

தீர  review  படிப்பதே மெய்