முத்தமிழ் சுடர் !

சுடராய் உதித்தவன், முத்தமிழின் முதல்வனவன்
நீல வானில் நீக்கமற நிறைத்தவன்
நெய்தலில் வினையறுத்து, குறிஞ்சியில் அமர்ந்தவன்
காற்றின் வேகத்தில் கஷ்டங்களைக் களைபவன்
வற்றாமல் அருளும் சுனையவன், துணையவன் .

மறதி

இன்றே சேமிக்கிறோம்

நாளைய வீட்டிற்கு

இன்றே வருந்துகிறோம்

நாளைய வாழ்வுக்கு

இன்றே கணக்கிடுகிறோம்

நாளைய வரவிற்கு

இன்றே முடிவெடுக்கிறோம்

நாளைய பிரச்சனைக்கு

கண்ணிமைக்கும் நேரத்தில்

காட்சிகள் மாறும்

என்பதை மறந்து ...

நம்பிக்கை

சாலையில் முன்
செல்லும் வாகனத்தை
நம்பி பயணிக்றோம்
நம்ப மறக்கிறோம்
வாழ்க்கையில் கூடவே
வரும் நம்பிக்கையை !

குழந்தை வேலன் !

கொஞ்சத் தூண்டும் குழந்தை வேலா  
மனதைத் திருடும் கள்வனே கந்தா
கண்டவர் கண்படும் கார்த்திகைக் குமரா
கருணையின் வடிவே அழகனே கதிரேசா ..

மனதைத் திருடும் கள்வன் உனை
கையில் ஏந்திக் கொஞ்சவும் தோனுதே
கணநேரமும் அகலாதே, கருத்தினில் மறையாதே 
கண்டவர் கண்படும் கார்த்திகைக் குமரனே ..

புறம்போக்கு

பயிர் இல்லா 

நிலம் மட்டும் 

புறம்போக்கு அல்ல 

யாருக்கும் உதவா 

நற்  குணமில்லா 

மனித மனமும்தான் ...

பயம்

பயம்
நடுங்க வைக்கும்
பயத்தை
நடுங்க வைக்காவிடில் !

சச்சினே, கிரிக்கெட்டின் பிதாமகனே !

சச்சினே, கிரிக்கெட்டின் பிதாமகனே
சாதனைகளின் நாயகனே , நீ
மைதானத்தில் இறங்கினால் மெய்மறந்தோம்
உன் கவர்-டிரைவில் கவிழ்ந்தோம்
சிக்ஸ் அடித்தால் சிலிர்த்தோம்
நூறைக் கண்டு நடனமாடினோம்
ஓய்வை அறிவித்தாய் ஓய்ந்தேபோனோம்
சரித்திரத்திலும்  எங்கள் மனதிலும்
நீங்கா வடு செய்த
சகாப்தத்தின் தொடக்கமே முடிவுற்றதே !

அறிவியல் முன்னேற்றம்

கடிதத்திற்கு பதில்
தொலைபேசி மட்டுமல்ல
நிலவுக்கு பதில்
வானுர்தி சுட்டி
சோற்றுக்கு பதில்
பிட்சா ஊட்டுவதும்
அறிவியல் முன்னேற்றமே !

வேலவா

நிறையை  நிறைத்து 

குறையைக் குறைத்து

அறிவை புகற்றி 

இருளை அகற்றி

 பொருளை அளித்து 

வறுமையை ஒழித்து 

அகத்தில் நல்ல 

பிரணவத்தை நிறுத்தி

பேரின்பத்தை ஊட்டி 

மாயையை ஓட்டி 

வாழ்வை வளமாக்கி 

வாழ்வளித்தவனே  வேலவா !

தீப ஒளித் திருநாள் !

பொல்லாமை வன்கொடுமை
அசுரர்கள்  வதமாகி
செல்வ ஞான
ஒளி பெருகி
இல்லாமை அறியாமை
இருள் நீங்கி
மக்கள் இனிதே
மகிழ்வோடு வாழ
தீப ஒளித்
திருநாள் நல்வாழ்த்துக்கள் !